| Saturday, January 14, 2006 |
| ukay-ukay |
kaninang umaga, nagpunta kami ng kasama ko sa trabaho, yung pinoy na bagong dating sa nz, sa isang garage sale. ackshually, marami sana kaming nakaline-up na pupuntahan. kahapon pa lang ay bumili na kami ng dyaryo na trade and exchange, yung parang buy and sell na dyaryo natin sa pinas. dyan sa trade and exchange, may portion dyan na mga libre. yung tipong ididispatsa na ng may-ari either nakabili na sya ng bagong gamit or tipong excess na lang nila sa pamilya. pwede mo namang kilatisin kung ok pa ang libreng ipinamimigay. nakakuha si pinay ng isang queen sized bed na syang tinutulugan na ng kanyang dalawang dalaga, dalawang 3-drawer side cabinets na sadya naman pong ok na ok pa. libre ha? tas inalok sa kanya ang isang dining table na rattan, at may apat na rattan chairs na may velvet blue na upholstery. tamang-tama sa kanilang tatlong mag-iina at tamang-tamang size lang sa kanilang dining room. ang kyut-kyut nga nung dining table. inalok sa kanila ng NZ$65. tinawaran pa nya ng NZ$50. natawa nga sa kanya yung bayaw. binigyan na nga daw ng libreng queen-sized bed at 2 side cabinets, ay nagawa pa raw tawaran ang dining table. natawa din naman ang may-ari dahil ang gusto nilang presyo sana ay NZ$75. sa obserbasyon ko, mga pinoy lang naman at mga indiano ang mahihilig tumawad. shempre, di masarap mamili kung walang tawaran. pero ang mga kiwis, nakow! kung gusto nya presyo mo, bayad agad yan. alang kyeme-kyeme. kung di nya kaya presyo mo, di na kikibo yun at aalis na.
mabalik tayo dun sa libre. ayun na nga, nakuha ni pinay ang dining table with 4 chairs. unti-unti nang nagkakabuhay ang kanyang balay.
tas kanina ang aga-aga pa. ala pang alas otso, nagising ako sa txt ni pinay at anong oras daw kami aalis. sinundo ko sya sa kanila at nirikisa ang dyaryo pati na ang mapa. apat ang plano naming puntahan na halos magkakatabi ng location. ang lekat! sa unang garage sale pa lang, di na magkandaugaga si pinay sa dami ng kanyang mga nakikitang mga gamit na kanyang mapapakinabangan. mga gamit sa kusina, dalawang antigong salamin na ke-bigat naman po at nakuha lang nyang NZ$5 yung isa. itinuro ko pa ang isa sa halagang NZ$3, getching din nya.
tas isang column heater na ang brand new ay mahigit NZ$100, tinuringan ng NZ$30, tinawaran ko ng NZ$20, ayun! binigay naman! yung isang heater na nagustuhan ko, ang original price ay mga NZ$60, ma-bago-bago pa ha at nakakahon pa sya. binigay sa aking ng $3. grab ko na sya, shempre!
punta si pinay sa books section. ehehehe.. dami kasing kahon-kahon na libro itong may pa-garage sale. ang dami nyang nakuha! yun pala, puro mga medical books. tamang-tama ang tama kasi, nag-aral daw ng medicine dito sa nz itong anak ng aalis. ang anak naman ni pinay ay gustong mag-aral ng pagdu-doktor. halaga ng mga librong mala-bundok sa dami? NZ$4!
eto pa.... di naman nya pinakawalan ang mga paso sa garden nitong nagpa-garage sale! getching nya ang mga magaganda! mahilig kasi syang magtanim-tanim ng mga bulaklak. kitang-kita ko naman ang mga ngiti nya. talagang nag-e-enjoy habang ako naman ay napapagod ng nakatayo!
sa dami ng kanyang mga nakalkal, nakigamit ng loo si pinay. sige, wait lang ako sa labas at binabantayan ang mga pinamili namin. panay ang dating ng mga tao. sa dami ng mga napamili ni pinay, iisipin mo nga na parang kasama pa rin sya sa garage sale at tinitingnan pa rin ng mga tao. "they're already sold!" sabi naman nung umaasiste sa amin. bumulong ang isa, ang ganda daw ng mga nakuhang paso. tila mga paso rin ang kanyang pakay.
ang tagal ni pinay. naiinip na ako. naiinip na sa pagod at gutom. matuk mo naman, di pa ako nag-aalmusal nun. tas ang init pa ng sikat ng araw. amoy araw na yata ako nun. may kinse minutos din yata o mahigit pa na nawala si pinay. naisipan ko ng sunduin at baka na-flash na sya sa toilet. aba! kasalu-salubong ko ba naman, ayun nga at bitbit ang isang antigong salamin sa mukha at bitbit ang isang tv stand. sa loob-loob ko, ohmygaz!!!! tv stand ang pakay ko. tila naunahan ako ni pinay! ayun daw at nakita nya sa itaas ng bahay. nakuha daw nya ng NZ$10. 'day! ang ganda ha? sabi ko sa kanya "tamang-tama sana sa tv ko". oo nga daw at sa akin daw yun! ahahahaaaayyy!!! para sa akin pala! akala ko ay na-getching nya para sa kanya!
eh kasi po, nung isang araw, tinawagan ako ng aking frend na si S. gusto ko raw ba ng 21" tv na may kasama pang vhs player. bakit kako? yun daw isang kaibigan nya ay gustong idispatsa ang kanilang kasalukuyang pinanonooorang tv at vhs player at type na nilang buksan ang mga gamit nila na pina-sea freight. balak daw kasing gamitin ang mga bagong gamit nila kapag daw sila ay nakabili na ng sariling bahay. eh tila matatagalan pa daw sila, kaya ayun! sabi nga ay gagamitin na nila ang mga pina-sea freight. tanong ako ulet kay S, ano ba yan? libre? oo daw at libre. umaandar pa? oo nga raw at sya ngang kasalukuyang gamit ng kanyang kaibigan. ahaaayyy!!! kung libre, with open arms kamo, akinana! sabay bawi ko.... teka muning, saan ko sya ipapatong? teka lang kamo at maghahanap ako ng mapagpapatungan. sabay tanong, wala ba kamong kasama yang tv stand? at nagkatawanan kami ni S. naalala ko tuloy yung dining table na tinawaran ni pinay ng NZ$50. hahahaha... bibigyan ka na nga ng libreng tv at vhs player, naghanap pa ng tv stand. kaya ayown po ang wneto ng tv stand kanina sa garage sale!
shempre, may i txt ako agad kay S na may tv stand na ako. ayun at tatawagan na ang kanyang fren para maihatid na raw sa akin ang tv set. ang gara! libre hatid pa! nyahahahah!!!!
all in all, naka-NZ$50 si pinay sa mga mala-bundok na ukay-ukay! punung-puno ang kotse ko mula sa boot pati na sa passenger seat. di na kakayanin pa na lumipat pa sa ibang garage sale. kaaliw! |
posted by kiwipinay @ 1/14/2006 07:50:00 PM  | |
|
|
|
|
