|
| Sunday, January 01, 2006 |
| 2005 recap |
tingnan mo, isang taon na naman ang nakalipas. ala pa rin! ala pa ring pagbabago ang apelyido ko. haaayyy!!! hanubayan!!!
kami dito sa nz ang unang-unang nakakapag-celebrate ng bagong taon sa buong mundo!
pero anu-ano bang makabuluhan at mga walang kabalastugang nangyari sa pamumuhay ko dine sa bansang dayuhan?
enero
dito rin sa buwan na ito na ako'y kailangang maghanap ng malilipatan dahil sa mga kakaiba ng ikinikilos ng aking flatmate na bumbastik. nauwi rin ako sa bumbastik na flatmate nguni't ang asawa ay isang fijian.
pebrero
unti-unti, ang sakit na nadarama ko ay di ko na makayanan. halos hindi na ako makalakad. pinahinto rin bigla ng aking gp ang mga gamot na iniinom ko ng walang angkop na paliwanag. ayon sa tulong ni doc emer, nakumpirma na na-overdosed na pala ako ng gamot sa thyroid. isang "im sorry" lamang ang aking narinig.
may nag-iwan ng mensahe ang isang mambabasa. kung pwede daw ako maging crush. ehehehhe... and the rest is history. 
marso
napabilang ako sa grupo ng blogkadahan.
ito rin ng panahon na ito na biglang nag-alsa balutan ang mag-asawang pinoy na nakipagsapalaran dito sa nz bilang courier driver. sa di inaasahang pagkakataon, na-deny ang kanilang visa.
chumama ako sa lotto dito sa nz. chumama ako ng $72. yeba!
abril
pumanaw ang santo papa buwan ng abril. maraming katoliko ang nakidalamhati.
eto ring buwan na ito nung nag-chacha ang beauty ng lola. huling pakikipagtagpo ko na raw sa aking endo at nag normal na raw ang aking thyroid.
pagkatapos kong mag-chacha, ako ay na-solitary confinement sa ospital gawa ng tubig na bumara sa aking baga ulet. at dahil ito na ang pangalawang pangyayari sa loob ng walong buwan, katakyut-takyut na eksamen ang ginawa sa aking buong katawan upang malaman nila ang kasagutan kung bakit umulit ang tubig sa aking baga.
eto rin yung panahon noong nag-usap kami ng kapatid ko na ibebenta na nya ang mga makinaryang naiwan ng tatay ko. kinabukasan, matapos kaming nag-usap, na-sheriff ang warehouse ng kanyang kaibigan kung saan naroroon ang mga makinarya. juice mio!
mayo
labas-masok ako sa ospital dahil lagi nila akong pinapatawag at laging ine-xray at gusto nila parating masipat ang laman ng baga ko. at tuwi na lang sasabihin nila na ide-drain ang tubig sa aking baga, tuwing pagsapit ng takdang araw na dapat i-drain ay nawawala ang tubig sa aking baga. kung saan sya nagpupunta, hindi ko alam.
hunyo
habang patuloy ang jombagan ng aking mga flatmates, patuloy pa rin ang aking pakikipagpatintero sa mga doktor sa ospital.
"....ilang ulan na ang nagdaan at ilang vezes na rin sumikat ang araw. kanina, ang ganda ng panahon gayong magdamag kagabi, walang puknat ang ulan. ako kaya? kailan kaya sisikat ang araw para sa akin? napapagod na ako. gusto ko na talagang sumuko. pagod na rin ako kakaiyak. pagod na pagod na ako. gusto ko ng magpahinga talaga...."
hulyo
i still believe in miracles.
agosto
kay tagal kong nagplano para sa pagsapit ng aking kaarawan dahil nga noong mga nagdaang taon, hindi naging maganda ang aking kabertdeyan. at dahil sa pakikialam ng isang taong mapagpanggap, ipinalaganap sa buong blogosphere na bertdey ko daw at ako daw ay batiin sa aking blog. nagpupuyos ang aking damdamin! iyon na yata ang pinakabubuset kong ka-bertdeyan.
at dito rin sa buwan na ito sumibol ang bagong kataga kay mr. webster, ang "supagetti"!
at sa pagsibol ng katagang supagetti, isang binhi ang kinitil ang buhay gawa ng mga makasariling pangangatwiran nitong mag-asawang flatmates ko.
septyembre
humagibis si hurricane katrina at rita sa kabilang ibayo. ang daming taong nasalanta.
at matapos ang madugong bayaran sa isang tanyag na immigrations consultant, naaprubahan na rin ang visa ng isang pamilyang pinoy na ngayon ay kasama ko na sa trabaho.
oktubre
itong buwan na ito nag-umpisa ang pakikibaka ng aking flatmate upang ipaglaban nya ang kanyang na-deny na work permit. hanggang ngayon, buwan ng disyembre, umaapila pa rin sya sa kanyang minumutyang work permit. ang bayad sa abogado, NZ$2500, paunang bayad. pwera ang pagsama-sama sa kanya ng abogado sa immigrations kung kinakailangan at may karagdagang bayad na per hora. ahoy!!!
nobyembre
nanalo ang nz sa pag-host ng 2011 rugby world cup. eheehe... sana ay manalo kundi, yari sila sa mga pon-japs!
disyembre
makasaysayang buwan para sa aking flatmate na lalaki dahil nadiskubre nya na rin sa wakas ang pakikiapid ng kanyang asawa sa isa nitong kababayan sa fiji. at dito rin sa buwan na ito na lantarang ipinahayag sa kanya ng kabaranggayan ng mga migrante na hindi na sila bibigyan ng extension of work permit at kinakailangan na nyang bumalik sa kanyang inang bayang fiji. hanggang ngayon, ang kanyang pagmamayabang na pagmay-ari ng isang bmw ay hindi pa rin nya nabebenta at kailangan nyang bumayad ng abogado para umapila pa ulet tungkol sa kanyang work permit.
im now on my third year of stay here in nz and about to lodge my application for nz citizenship. hoorayyyy!!!
... still in love and had the best new year celebration, ever! ha!
at! ang pinakamasaya sa lahat, maliban sa karamdamang dinaranas, naging matiwasay ang kapaskuhang sumapit para sa pamilya ni kiwipinay.
hanggang sa muli, ako po'y nagpupugay ng isang masaganang taong darating para sa lahat!
 |
posted by kiwipinay @ 1/01/2006 01:25:00 AM  | |
|
|
|
|
|
|
